BRITANI E MADHE
Princesha Eugenie dhe bashkëshorti i saj, Jack Brooksbank, gjetën një mënyrë për të nderuar familjen e tyre, duke zbuluar dhe emrin e vogelushit.
Prindërit e rinj e mirëpritën djalin e tyre më 9 shkurt. Pas 11 ditësh, ata zbuluan se si e kanë quajtur të birin, së bashku me disa foto familjare me të voglin e tyre në krah.
“Ne duam t’ju prezantojmë me August Philip Hawke Brooksbank”, – mbishkroi Eugenie fotot. “Faleminderit për kaq shumë mesazhe të mrekullueshme. Zemrat tona janë plot dashuri për këtë njeri të vogël, nuk mund ta shprehim me fjalë. Ne jemi të ngazëllyer që jemi në gjendje t’i ndajmë këto foto me ju.”
Princesha Eugenie vlerësoi maminë e saj të gjithë njerëzit që e ndihmuan për ta sjellë në jetë të birin në një periudhë kaq të vështirë sa kjo që po jeton e gjithë bota.
August ka marrë këtë emër në nder të gjyshit të Eugenie, Princit Philip, i cili aktualisht është në spital në Londër.
Në një postim në Instastory, ajo shpjegoi se po e publikon emrin dhe foton e August për nder të gjyshit dhe për nder të babait të saj, Princit Andrew, i cili kishte ditëlindjen.
“Në fundjavën e ditëlindjes së gjyshit të tij, duke menduar edhe për gjyshin tim, ne po prezantojmë djalin tonë të vogël,” shkroi ajo. “Ai është quajtur në nder të stërgjyshit dhe të dy stërgjyshërve të tij.”
View this post on Instagram
(BalkanWeb)
