Fëmijët sot janë të vegjël, por nesër do të jenë ata vendimarrësit. Ne prindërit jemi aktorët kryesorë për rritjen e tyre, por janë disa zakone tonat që do të mbeten gjatë në mëndjen e fëmijëve dhe don të kujtohen gjithmonë kur të bëhen vetë prindër. “Time’ sjell disa nga zakonet e prindërve që tek fëmijët e tyre do të mbeten gjatë në kujtesë.

1. Sa herë i keni bërë ata të ndjehen të sigurt (apo sa herë i keni bërë ata të ndjehen të pasigurt)

Ka një dobësi dhe një nevojë për mbrojtje në zemrën e çdo fëmije. Fëmijët tuaj do të kujtojnë ato momente kur ju keni larguar “përbindshat” nga shtrati i tyre ose i keni mbajtur ato pas një makthi, por ata gjithashtu do të kujtojnë kohën kur durimi juaj ka sosur dhe jeni kthyer në një “përbindësh” dhe ata ju kanë pasur frikë. Fëmijët tanë ndoshta do të na shohin të zemëruar ndonjëherë, sepse kjo është pjesë e jetës, por misioni juaj është që të bëni fëmijët tuaj të ndjehen të sigurt dhe të jenë të sigurt në çdo kohë kur ata janë me ju. Kujdes, sepse ata do të mbajnë mend dhe castet kur ju do e lini në pasigurinë e tij.

2. Sa herë ju ke dhënë atyre vëmendje

Fëmijët e masin dashurinë kryesisht nga vëmendja jonë për ta. Ato do të kujtojnë sa herë ju keni lënë atë që po bënit dhe jeni përfshirë në një “festë me çaj” ose keni dalë jashtë për të luajtur me top ose keni kërcyer në një trampoline, do të jenë kujtime që do të mbesin në mendjet dhe zemrat e tyre përgjithmonë. Merrni kohë për të bërë gjëra të vogla me fëmijët tuaj, sepse në fund të fundit, ata do të jenë momentet që kanë rëndësi për të.

3.Mënyrë si ju komunikoni me bashkëshortin/en tuaj

Fëmijët tanë kanë formuar pikëpamjet e tyre të dashurisë në një pjesë të madhe duke shikuar se si ne trajtojmë burrin apo gruan tonë. Përpiquni që të keni atë lloj martese që i bën ata të ngazëllyer kur një ditë do të vendosin të martohen. Jepu atyre sigurinë që vjen duke parë mamin dhe babin e tyre në një marrëdhënie të përkushtuar, të dashur me njëri-tjetrin.

4.Fjalët tuaja të afirmimit dhe fjalët tuaja të kritikës

Zemra e fëmijës është si çimento e lagësht dhe përshtypjet e marra në fillim të jetës do ta ngurtësojnë me kalimin e kohës. Ata do të bazojnë ndjenjën e tyre të identitetit, aftësive dhe madje edhe të vetëvlerësimit kryesisht mbi fjalët që ju u thoni në ato vite formuese. Pjesë e punës tonë si prindër është për të korrigjuar dhe disiplinuar, por edhe në korrigjim, fjala jote të jetë e mbushur me dashuri, inkurajimin dhe përforcim pozitiv.

5. Traditat tuaja familjare

Fëmija dashuron spontanisht, por ata gjithashtu kanë nevojë të thellë për parashikueshmërinë. Ata do të kujtojnë me dashuri të madhe “traditat” që ju keni përcaktuar në familje, një natë film në javë për familjen (ose një lojë), një vend që ju rregullisht keni udhëtuar si familje, një mënyrë që ju festoni ditëlindjet dhe ngjarje të veçanta apo ndonjë traditë tjetër të veçantë. Në mënyrë të qëllimshme krijoni disa tradita që ata do të duan tua përcjellin fëmijëve të tyre një ditë.

(d.b/BalkanWeb)