Diabeti që zhvillohet tek një grua shtatzënë i njohur si diabeti gestacional, mund të ndikojë që fëmija të ketë probleme me yndyrnat e larta në gjak. Çdo lloj diabeti në një grua shtatzënë përbën një shumëllojshmëri kërcënimesh shumë më komplekse për një fetus në rritje.

Gjetja e niveleve të larta në gjak të glicemisë apo e njohur ndryshe “sheqerit në gjak” gjatë shtatzënisë, dhe jo në jetën e mëparshme të gruas, përcakton diabetin në shtatzëni ose diabetin gestacional.

Si diabeti mund të dëmtojë zhvillimin e fëmijës?
Një studim i kohëve të fundit i botuar në Revistën Amerikane “Physiology-Cell Physiology” raporton një rrezik dukshëm më të lartë të sëmundjeve të zemrës tek bebet e lindura nga gratë me diabet gjatë shtatzënisë. Ky lloj diabeti është i ngjashëm me diabetin e tipit 2 në atë që nuk është një gjendje autoimune si diabeti i tipit 1, por një çrregullim metabolik.

“Hulumtimet e mëparshme kanë zbuluar se nivelet e një proteine ​​të quajtur transgelin janë më të larta në pasardhësit e grave me diabet gestational”, shpjegoi raporti i fundit.

Kur studiuesit nga Universiteti i Indiana i Mjekësisë, i krahasuan mostrat e gjakut të marra nga kërthiza e foshnjave të lindura nga gratë me diabet gjatë shtatzënisë kundrejt foshnjave të lindura nga gratë jo diabetike, grupi i parë i foshnjave u përballën me mosfunksionim shumë të qartë në zhvillimin e qelizave të gjakut. Këto qeliza janë kryesore për shërimin e plagëve dhe ndikojnë në sistemin kardiovaskular të njeriut.

“Ndonëse nuk dihet plotësisht pse ky lloj diabeti zhvillohet në disa gra dhe jo në të tjera, faktorët e rrezikut – duke përfshirë gratë mbi 25 vjeç, me një histori familjare të diabetit të tipit 2 dhe një indeks masiv të trupit mbi 30 – rrisin patjetër gjasat në çdo grua shtatzënë “, shpjegon Jennifer Smith, bashkëautore e studimit./shendeti/

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: