Presidenti i Shoqatës Rajonale të Tiranës, Eduard Prodani, mendon se më datë 2 mars nuk duhet të ketë zgjedhje në FSHF, pasi përbëjnë vepër penale. I ftuar në studion e “Sport News Plus” në “News 24”, ai shpjegoi pse nuk duhej mbledhur ajo Asamble.

“Siç qëndrojnë vendimet e gjykatave sot, mbajtja e zgjedhjeve me 2 mars, është vepër penale. Kam pyetur ekspertë dhe të gjithë që e kryejnë këtë vepër penale, do të jenë subjekt i ndëshkimit nga ligji.

Do ta shihja nga një këndvështrim tjetër, pavarësisht kontestimeve që mund të ketë Federata, gjykatat duhen respektuar. Nuk ka kontribut më të mirë për shoqërinë se sa duke respektuar vendimin e gjykatës”, tha Prodani.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: