Kreu i bashkisë së Tiranës, Erjon Veliaj ka reaguar pasi banorët e Astirit treguan bashkëpunim me grupin e vlerësimit të Autoriteteit Rrugor Shqiptar.
Përmes një statusi në rrjetin social “Facebook” Veliaj përshëndet vendimin e banorëve , të cilat sipas tij hapën dyert për të ndërtuar segmentin e “Unazës së Re” duke treguar vlerat dhe sjellje europiane.
“Mirënjohje qytetarëve shembullorë që kanë hapur dyert e banesave e bizneseve të tyre sot tek Unaza e Re për skuadrat e ARRSH dhe Bashkia Tiranë – kjo është e vetmja mënyrë europiane që edhe projekti të bëhet, edhe shpronësimi të paguhet, por edhe ata në nevojë të ndihmohen!”, shkruan ai.
Ndërkohë IKMT-ja ka nisur punën për shembjen e banesave të cilat janë përgjatë projektit ku do të kalojë “Unaza e Re”. Sipas IKMT-së, gjatë ditës së sotme do të prishen rreth 16 objekte.
(n.m/BalkanWeb)