Deputetja e PD, Flutura Açka ka deklaruar se nuk do të marrë pjesë në protestën e 7 korrikut të thirrur nga Sali Berisha.
Para seancës plenare ajo ka theksuar se nuk do të jetë fizikisht në Tiranë, por që protestën e saj ajo e ka bërë çdo ditë me fjalë.
“Unë nuk jam personalisht, por çdo qytetar është i lirë të protestojë. Qytetari është i lirë të protestojë pastaj unë kam qenë prej 30 vitesh në të gjitha protestat jo vetëm të PD e opozitës, por në protestat e shoqërisë civile, është në natyrën time të protestoj. Pastaj nuk është e thënë jam apo s’jam fizikisht, protestat e mia i kam bërë me fjalë çdo ditë”, tha Açka.
Ditën e djeshme PD bëri miratimin e grupeve të punës për protestën e 7 korrikut, në nivel qarku dhe dege, pas propozimeve të ardhura dhe të diskutuara në mbledhje.Açka ishte pjesë e grupit të punës për organizimin në Elbasan, qarku ku është zgjedhur deputete.
QARKU ELBASAN
LUCIANO BOCI, KRYETAR I GRUPIT TË PUNËS
GRUPI I PUNËS
Megi Balliu
Zheni Gjergji
Flutura Açka
Lefter Geshtenja
Dashnor Sula
Ankelita Çela
Ardian Turku
Aurel Bylykbashi
Eliona Gremi
Elior Vila
Klodiana Çapja
Arbjola Halimi
Xheraldo Dashi