Ish-deputeti i Partisë Socialiste, Spartak Braho ka befasuar me deklarata e tij të forta në lidhje me protestën që pritet të mbahet nesër më 8 janar, para selisë së PD. Në një intervistë për ‘Top News’ Braho tha se një deputet i PD-së mund të vritet nesër.

Madje ai shkoi edhe më tej, ndërsa shtoi se Berisha nuk bën dot pa dhunë, duke treguar edhe incialet e deputetit që rrezikon të vritet, që sipas tij është E.A.

“Mos keni asnjë iluzion që nuk do të ketë dhunë, ka ardhur nga dhuna, ka jetuar me dhunën, e do ta mbyllë se ku e di ai, po përsëri me dhunë. Është dhuna e ushtruar mbi të përndjekurit politikë, në zgjedhjet ’96, grushti shtetit ’98, e ky njeri është mësuar me dhunën. Unë kam thënë se PD-ja është deshtament i lindur nga dhuna, ka taborrin e vet të dhunës, është ushqyer nga teoria e Berishës se me anë të dhunës mund të arrihet gjithçka. Mos të keni iluzion se nuk do të ketë dhunë. Do të ketë nga këta që edhe nuk përmbahen, nga të dhënat që kam unë mund të ketë edhe vrasje. Një personalitet deputet, me inicialet…, rrezikon të vritet nesër. Berisha nuk bën dot pa gjak. E.A. të ruhet, këtë këshillë i japë të ruhet nesër. Janë situata që dalin nga kontrolli që dalin nga jashtë një shenjë duhet e dalin jashtë, edhe ai nuk e ka problem se e thotë si me Azem Hajdarin që nuk e vrava unë, por Izet Haxhia”, tha ai.

I pyetur se prej nga i ka këto informacione, Braho nuk dha detaje, por paralajmëroi deputetin që të ruajë krahët.

“Mos kenë iluzione, ore do të ketë dhunë, ata që do të rrethojnë Sali Berishën nuk mbahen, do të ketë dhunë, nuk mbahen ata, i ka karikuar njerëzit, në këtë konteskt unë parashikoj që do të ketë viktima. Nga burimet e mia unë parashikoj që një E.A do të ketë një goditje pas shpine”, theksoi Braho.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb