Zyra e kryebashkiakut të Parisit ka braktisur planet për ndërtesa të reja rreth Kullës Eifel pas muajsh protestash nga ambientalistët dhe një peticion të nënshkruar nga gati 150,000 njerëz.
Sipas projektit, rreth 20 pemë do të ishin prerë për t’i lënë vendin katër ndërtesave të reja që përfshinin kafene dhe dyqane.
“Unë po njoftoj se ne po anulojmë plotësisht çdo projekt ndërtimi në rrëzë të kullës, por rregullimi i peizazhit është ruajtur,” tha nënkryetari i bashkisë, Emmanuel Grégoire, për Journal du Dimanche.
“Ne nuk po dorëzohemi para presionit, por dëshirojmë që projekti të mos errësohet nga polemikat. Le të themi vetëm se po heqim një pjesë të fërkimit, “tha Grégoire.
Një sipërfaqe prej 54 hektarësh rreth kullës, e kryqëzuar nga disa rrugë, do t’u jepet kryesisht këmbësorëve dhe korsive të autobusëve dhe biçikletave.
Rreth 150,000 njerëz e vizitojnë vendin e kullës çdo ditë gjatë sezonit të verës, duke përfshirë 20,000 deri në 30,000 që ngjiten në të, që sjell një total prej rreth 7 milionë vizitorësh në vit.
(BalkanWeb)
