TIRANE- Pasi maxhoranca votoi dje me 75 vota pro ligjit për shembjen e Teatrit Kombëtar, pa pjesëmarrjen e opozitës, vjen një reagim i ashpër nga deputeti i Partisë Demokratike Oerd Bylykbashi.

Ky i fundit përmes një statusi në ‘Facebook’ ka argumentuar ligjin në fjalë, ndërsa e cilëson atë një ‘ligj zombi’. Po ashtu ai theksoi se kur dekreti i vetos së Presidentit pranohet nga Kuvendi, ky ligj sipas tij ka pushuar së ekzistuari. Ai akuzoi Ramën se amendoi një ligj antikushtetues.

REAGIMI I BYLYKBASHIT
Nje ligj zombi po shkon tek Presidenti‎
Ligji i Teatrit vdiq. Kur dekreti i vetos i Presidentit pranohet nga Parlamenti, ligji ka pushuar se egzistuari. Por Rama u perpoq ta ngjalle duke amenduar nje ligj te vdekur. ANTIKUSHTETUESE? Kjo nuk eshte asgje!
Sepse Edi Rama po rremben kompetencen qe ka Presidenti qe te ktheje me veto nje ligj qe shkel Kushtetuten. Pasi i hoqi “rropullite” e vdekura ligjit te Teatrit qe vdiq pa pare ende diellin, Rama beri amendamente si makiazh pa ndryshuar qellimin korruptiv, duke ruajtur ‎te pandryshuar numrin e ligjit. Pra ne forme eshte i njejti ligj, me te njejtin numer. ‎Kete sajese qe e quan ligj te njejte me ate qe eshte votuar me pare sepse nuk ka ndryshuar numer dhe po ia dergon Presidenrit per dekretim.
Meqe Kushtetuta thote se Presidenti nuk mund ta ktheje dy here te njejtin ligj, “ustallaret” e Rames na paskan gjetur nje hile antikushtetuese. Meqe numri i ligjit nuk ka ndryshuar, do te pretendojne se Presidenti nuk mund ta ktheje perseri me veto kete ligj te Rames.‎
Pikerisht me kete hile Rama kerkon t’ia ‎hedhe, ligjin ta miratoje, gjoja te hape gare, te fitoje Fusha dhe Rama te fitoje 200 milion eurot. Pse nuk paraqet ligj te ri Rama, ku te reflektoje kritikat e Presidentit? Sepse do te ishte qartazi ligj i ri me numer te ri dhe do te jepte mundesi per veto te re te Presidentit.
Por Presidenti nuk shqyrton numrin e ligjit por brendine e tij. Vetem nese Parlamenti do te rrezonte dekretin e Presidentit, ‎qe do te thote se brendia e ligjit nuk do te ndryshonte, President nuk e kthen dot me per rishqyrtim, sepse ia ndalon Kushtetuta ngaqe Parlamenti vendosi perfundimisht duke rikonfirmuar te paprekur brendine e ligjit te kthyer nga Presidenti.
Ama, kur brendia e nje ligji ndryshon serish, qofte edhe me nje fjale te vetme, Presidenti ka te drejte ta shqyrtoje e ta ktheje perseri ne Parlament nese eshte nevoja.
Por ne cdo rast, e gjithe ajo qe ndodhi dje ne Kuvend eshte antikushtetuese sepse nuk amendohet nje ligj i rrezuar nga Presidenti, pavaresisht ndonje precedenti antikushtetues qe mund te kete kaluar pa u vene re. Precedenti i keq nuk e ndryshon as germen as frymen e Kushtetutes. Ligji i rrezuar terhiqet dhe riparaqitet nga e para si inisiative e re dhe po te jete nevoja, Presidenti e kthen serish. Praktika kushtetuese italiane qe ka te njejtin mekanizem vetoje, lejon vetem rivotim te ligjit te kthyer ‎pa bere ndryshime. Pikerisht kete po perpiqet te shmange Rama sepse i prish shume pune.
Pra me kete hile Kryeministri, pasi ka marre cdo pushtet, po i zhben tinezisht Presidentit kompetencen kushtetuese te vetos me qellim qe ligji te kaloje patjeter. ‎Ligji i vdekur i Rames po capitet perseri si nje zombi drejt Presidences, e me pas do t’i turret Teatrit dhe prones publike per t’i shqyer.
Presidenti duhet ta ndale patjeter kete kerme teresisht antikushtetuese‎! Kjo eshte arma e fundit institucionale qe ka mbetur tashme qe ka vdekur Gjykata Kushtetuese. Nese Presidenti nuk shprehet, to ta quajne kete ligj-zombi te shpallur dhe do te hyje ne fuqi.
Ndoshta per ata qe ende i besojne “Reformes ne Dredhesi” te Rames, fjala Kushtetute ka pak rendesi dhe Gjykata Kushtetuese me mire qe nuk ekziston. Por kjo e keqe qe drejton sot Shqipërinë duhet shporrur me çdo kusht, ose ajo qe kemi pare deri me sot nuk është ende asgjë!
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb