SHBA

Emily Ratajkowski po promovon librin e saj “My Body”, ku një nga rrëfimet që bëri ishte se këngëtari Robin Thicke e kishte prekur nga gjoksi gjatë xhirimit të videoklipit “Blurred Lines”.

Por pse modelja zgjodhi të heshtte deri tani?

Arsyeja ishte sepse ajo kishte ëndrra të mëdha për t’u bërë e famshme dhe e dinte që nuk do të mund të bëhej e famshme nëse do të shprehte akuzat e saj.

“Unë isha një modele e panjohur dhe nëse do të kisha folur apo ankuar, nuk do të isha këtu ku jam sot; Unë nuk do të isha e famshme,” tha Ratajkowski për ‘People’.

Supermodelja tha se vendosi ta detajonte incidentin në librin e saj, sepse ajo ka evoluar me kalimin e viteve dhe shpreson që fansat do ta kuptojnë.

“Unë shkrova një libër rreth evolucionit të politikës sime, që përfshin shumë përvoja të ndryshme nga karriera dhe jeta ime, dhe mënyra se si ndihesha dhe mendoja për ato përvoja ka evoluar,” shpjegoi ajo. “Shpresoj që njerëzit të jenë në gjendje të lexojnë esenë dhe të kuptojnë nuancën pas këtyre llojeve të situatave.” Ndërkohë këngëtari Robin Thicke nuk ka reaguar publikisht pas akuzave të Ratajkowski-t.