Pas mbledhjes së grupit Parlamentar të PS-së, Taulant Balla sqaroi edhe arsyet pse nuk ishte mbledhur Asambleja Kombëtare e Partisë Socialiste.

Sipas tij, shkak është bërë pandemia, ndërsa shtoi se PS-ja po punon për të gjetur një zgjidhje që mendimi i secilit anëtar të merret.

“Jemi në kushtet e një pandemie. E kemi diskutuar dhe kemi menduar për një mënyrë funksionale të mbledhjes së saj. Kemi mbi 300 anëtarë, një mbledhje tradicionale është e pamundur. Kemi menduar një mënyrë që të garantojë integritetin e vendimmarrjes. Ne do marrim një vendim, këtë të drejtë e ka kryetari i parties. Ai u konsultua me ne edhe për të gjetur një mënyrë që s’prek integritetin dhe mënyrën e funksionimit”,- sqaroi Balla.

(BalkanWeb)