TIRANË

Ministri i Drejtësisë Ulsi Manja është pyetur sot nga gazetarët pas mbledhjes së qeverisë për kontrollet në shtëpinë e Ervis Martinajt dhe në banesat e familjarëve të tij, ku u gjetën armë.

Manja tha se ministri përgjegjës për këtë është kolegu i tij Bledi Çuçi.

“Ti iu drejtove ish-prokurorit Ulsi Manja, por në fakt unë jam ministër i Drejtësisë i Qeverisë Rama dhe besoj fort në ndarjen e pushteteve dhe me këtë çështje po merren institucionet ligjzbatuese dhe konkretisht policia dhe institucionet përgjegjëse. Edhe për Policinë ka një ministër përgjegjës dhe ai Bledi Çuçi”, tha Manja.