Pas aksidentit të rëndë ajror të ndodhur një ditë më parë në Etiopi, kur një avion i linjës Ethiopian Airlines u rrëzua duke vrarë të 157 personat në bord, të shumta janë pikëpyetjet që ngrihen.
Për të gjithë ata që mendonin se bëhej fjalë për një avion të vjetër e kanë gabim, bëhet fjalë për një Boeing të ri të përplasur në tokë vetëm 6 minuta pasi u ngrit në fluturim.
Dyshimet për modelin e ri bëhen më të forta po të kujtosh se një një avion i tillë Boeing 737 MAX 8 u rrëzua në tetor të vitit të shkuar në Indonezi, duke vrarë 189 persona në bord. Pyetja që ju lind të gjithëve është si ka mundësi?
Ekspertja e aviacionit, Mary Schiavo thotë për CNN se një gjë e tillë është shumë e dyshimtë. “Dy avionë të rinj rrëzohen brenda një viti. Industria e aviacionit duhet të alarmohet”,- shton ajo.
“737 është avioni më i përdorur në botë, ka mbi 7,000 fluturues në këtë moment, mund të konsiderohet si më punëtori në botë”,- tha Jeffrey Thomas, kreu i Airline Ratings, për CNN.
Ndërsa hetimet për rastin vijojnë, kompanitë ajrore kineze janë urdhëruar ta heqin nga përdorimi Boeing 737 Max. Lajmin e bën të ditur revista financiare Caijing, e cila citon burime pranë Civil Aviation Administration of China.
Kujtojmë që 737 MAX 8 u bë avioni i shitur më shpejt në historinë e Boeing dhe përdoret nga shumë linja ajrore në mbarë botën.
JA LISTA E KOMPANIVE AJRORE QË PËRDORIN KËTË MODEL AVIONI DHE NUMRI I TYRE NE QARKULLIM
Southwest Airlines: 250, GECAS : 150, Ryanair: 135, FlyDubai: 131, Jet Airways: 125, Vet Jet Air: 120, Spice Jet: 116, Norwegian Air Shuttle: 110, Gol Transportes Aereos: 105, American Airlines; 100, SMBC Aviation Capital: 91, AerCap: 85, BOC Aviation: 77, Aviation Capital Group: 70, China Development Bank: 68, Avolon: 65, Turkish Airlines: 65, TUI Group: 54, China Southern Airlines: 50, Garuda Indonesia: 50, ALAFCO: 40, Jeju Air: 40, Silk Air: 37, Ethiopian Airlines: 30, Jackson Square Aviation: 30, Korean Air: 30, Virgin Australia: 30, Air Europa: 20, Goshwak Aviation: 20, Oman Air: 20, Westjet: 20, Donghai Airlines: 15, Malaysia Airlines: 15, SunExpress: 15, Air China: 14, Air Lease Corporation: 14, China Eastern Airlines 13, Aerolinas Argentinas: 11, Aeromexico: 11, Japan Investment Advisor: 10, Lion Air: 10, Xiamen Air: 9, Comair: 8, Smartwings: 8, Blue Air: 6, Nok Air: 6, Shandong Airlines: 6, Fiji Airways: 5, Qatar Airways: 5, Shenzhen Airlines: 5, TAROM: 5, Air Niugini: 4, Royal Air Maroc: 4, Hainan Airlines: 3, Icelandair: 3, Business Jet: 2, Enter Air: 2, SkyUp Airlines: 2, 9 Air: 1, Mauritania AirlinesInternational: 1, SCAT Airlines 1
(m.a/BalkanWeb)
