Kamerat e sigurisë kanë fiksuar momentin e rrëzimit të avionit në Milano, ku humbi jetën miliarderi rumun dhe 7 personat e tjerë që ndodheshin në bord, përfshirë dhe një fëmijë.

Pamjet tregojnë momentin ndërsa avioni i vogël turistik bie me shpejtësi në mënyrë vertikale në drejtim të zonës së banuar në Milano

Piloti i avionit 8 vendesh ishte edhe pronari i mjetit, dhe në të njëjtën kohë edhe një nga figurat më të njohura të ekonomisë rumune. Bëhet fjalë për miliarderin Dan Petrescu, i njohur si një nga ndërtuesit më të njohur të vendit lindor.

Autoritetet kanë nisur një hetim për ngjarjen dhe dyshojnë se një nga motorët e avionit ka pësuar avari.

Avioni, një Piper Pilatus PC12, ishte ngritur pak minuta para aksidentit nga aeroporti i Linates, me drejtim qytetin turistik të Olbias, në Sardegna.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb