Ministria e Turizmit e Shqipërisë organizoi në Prishtinë eventin “pusho shqip”, me pjesëmarrjen e agjencive turistike të të dyja vendeve, zëvendëskryeministrat e Kosovës, ministrin e Industrisë dhe Tregtisë së Kosovës, Vesel Krasniqi.
Ministri i Turizmit Blendi Klosi, ka vlerësuar kontributin e kosovarëve që kanë dhënë për zhvillimin e turizmit në Shqipëri.
Ai në ceremoninë “Faleminderit Kosovë”, të mbajtur në Prishtinë, tha se kur kishin nevojë për turizmin kosovarët, ata ishin aty.
Klosi u shpreh se sot kemi një shtëpi të përbashkët për të gjithë kosovarët që vijnë në Shqipëri.
“E kemi shtëpinë e përbashkët për miliona turistë që vizitojnë anët tona të kufirit. Atëherë kur kishim nevojë për turizëm ishte Kosova”.
“E filluam me Durrësin në veri, edhe në jug. Edhe ky vit është shumë i vështirë, flukset e vizitorëve ishin të pranishëm gjatë gjithë verës. Duhet t’ju them faleminderit dhe mirënjohjen e pakufish”, u shpreh ai.
Ai shtoi se pasurinë kombëtare duhet ta ofrojmë më shumë se kaq dhe ta shfrytëzojmë sfidën që na jep kjo kohë.
“Ky vit megjithëse i vështirë dëshmoi se jemi kthyer të fortë dhe jemi konkurrent në rajon për të bërë më shumë ekonomi e punësim. Ne na duhet që të punojmë dhe të vendosim rregulla më të forta. Prandaj duhet të krijojmë mundësi të gjithë së bashku. Sa nevojë kemi për ta njohur njeri tjetrin”, u shprehë ministri Klosi.
Zëvendëskryeministri i Kosovës, Bensik Tahiri tha se në asnjë vend në botë dhe në as dy vende tona nuk mund të ketë bashkërendim politik po mos të ketë bashkërendim ekonomik.
“Megjithatë ajo që është vërtetua në kohë të pandemisë është njeriu i cili në ditë të vështira arriti dhe ishte pranë vëllait të vet gjithandej Shqipërisë. Në këtë fatkeqësi, u pa sa afër jemi njëri tjetrit. Ne si qeveri do ta bëjmë punën tonë dhe formatizuan kongresin kombëtar të autoriteteve lokale”, tha Tahiri.
Vesel Krasniqi, ministër i Tregtisë dhe Industrisë tha se ndihet mirë këtu në mesin e vëllezërve tanë dhe dëshiron të thotë që kur është folur për bashkimin kombëtar dhe unë them se ka ndodhur me përfundimin e luftës.
“Andaj për të vazhduar barrierat që na i vendosën padrejtësisht të dy qeveritë tash e 6 vjet janë duke punua intensivisht. Dhe për të forcuara këtë bashkëpunim tani së fundi për të ngritur një zhvillim ekonomik është vlerësuar se është sektori i turizmit”, tha ai.
(Balkanweb)
