Kur thuajse të gjitha vendet e botës kanë shprehur hapjen mbështetjen e Ukrainës në luftën ndaj Rusisë, shtetet që mbështesin Putinin janë më të pakta. Si aleat kryesor i tij llogaritet Bjellorusia e Alexander Lukashenkos.

Mediat e huaja shkruajnë, se është pikërisht Bjellorusia faktori kyç në pushtimin rus. Inteligjenca ukrainase sugjeron se Bjellorusia po tregon gatishmëri të plotë për të marrë pjesë pushtimin e Rusisë, ku përveç lejes që rusët të përdorin territorin e tyre si vend kalimi, kanë ndihmuar dhe me armë luftarake e trupa.

Presidenti bjellorus Alexander Lukashenko tha javën e kaluar se trupat bjelloruse mund t’i bashkohen pushtimit “nëse bëhet e nevojshme”.

Ja çfarë duhet të dini për Lukashenkon, njeriun në krye të këtij kombi që shtrihet midis Rusisë dhe Polonisë:

I zgjedhur president në zgjedhjet e para demokratike të Bjellorusisë në 1994 pas rënies së Bashkimit Sovjetik, ai ka sunduar për më shumë se një çerek shekulli. Por zgjedhjet e mëvonshme janë dëmtuar nga akuzat për taktika të forta dhe parregullsi votimi.
Fundi i vitit 2020 u shoqërua me muaj protestash dhe dhune në të gjithë vendin pas zgjedhjeve të diskutueshme, me policinë që bëri gjithçka për të shuar kryengritjet.
Lukashenko hodhi poshtë akuzat se vota ishte manipuluar dhe tha se nuk ka ndërmend të tërhiqet.

“Diktatori i fundit i Evropës”

I quajtur “diktatori i fundit i Evropës”, kontrolli i tij i hekurt mbi vendin e tij është bërë gjithnjë e më i fortë.

Lukashenko e ka forcuar gjithnjë e më shumë aleancën e tij me Putinin, i cili ka ofruar qindra miliona dollarë ndihmë financiare.
Në një intervistë ekskluzive me CNN në vitin 2021, Lukashenko i tha se çfarë mund të ndodhë nëse ndonjëherë do të ketë një provokim kundër dy vendeve:
“Nëse ne kemi nevojë, Bjellorusia do të kthehet në një bazë ushtarake për Rusinë dhe Bjellorusinë në mënyrë që t’i rezistojë agresionit tuaj, nëse ju vendosni, ose nëse ndonjë vend vendos të sulmojë”.