Një aleat i presidentit rus, Dmitry Medvedev nënkryetar i Këshillit të Sigurimit të Rusisë, ka bërë një tjetër paralajmërim në lidhje me shpërthimin bërthamor.

Konfrontimi i Rusisë me Perëndimin ka nxitur inflacionin global dhe ka nxitur rritjen e krizës së energjisë dhe ushqimit në shumë vende që nga pushtimi i saj në Ukrainë. Paralajmërimi bërthamor është bërë disa herë edhe nga presidenti rus Vladimir Putin.

Sipas analistëve deklarata të tilla janë bërë me qëllim për të penguar Ukrainën dhe Perëndimin.

“Unë besoj se NATO nuk do të ndërhyjë drejtpërdrejt në konflikt edhe në këtë skenar. Demagogët përtej oqeanit dhe në Evropë nuk do të vdesin në një apokalips bërthamor”, ka thënë Medvedev.

Nga ana e tij këshilltari presidencial ukrainas Mykhailo Podolyak tha se Ukraina po përgatitej për mundësinë e një sulmi bërthamor rus, por përgjegjësia ishte mbi shtetet e armatosura bërthamore për ta penguar atë.

(BalkanWeb)