Grupi i ‘Pussy Riot’ ka marrë përsipër aksionin e pushtimit të fushës nga katër persona, gjatë gjysmës së dytë të finales së botërorit midis Francës dhe Kroacisë në stadiumin Luzhniki në Moskë.

Në një postim në Facebook, grupi rus “punk rock”, feminist dhe politikisht i angazhuar, shkruan se gjesti ishte një akt proteste dhe i vjen pas një seri kërkesash drejtuar qeverisë ruse.

Midis tyre, lirimi i të burgosurve politikë, dhënia fund e arrestimeve të paligjshme gjatë demonstratave si dhe bërja e një gare të vërtetë politike në vend.

‘Pussy Riot’ janë bërë të njohur anë të gjithë botën për veprimet e tyre kritike ndaj presidentit rus Vladimir Putin.

(m.k/BalkanWeb)