Vladimir Putin mësohet t’i ketë thënë ndihmësve të tij se një gjysmë milioni humbje nga ushtria e tij do të ishin “të pranueshme” nëse i mundëson atij të copëtojë Ukrainën.
I njëjti burim sugjeron se ai është gati të mobilizojë dy milionë ose më shumë rezervistë nga një grup i mundshëm prej 25 milionësh, shumë herë më i madh se 300,000 fillestarët e sugjeruar.
“Numri i kufomave të ushtarëve rusë, në këto plane të Putinit, nuk luan ndonjë rol”, tha kanali Telegram General SVR, i cili thotë se ka njohuri brenda Kremlinit.
Presidenti rus Putin beson se ai ka një rezervë të fuqisë punëtore mobilizuese prej 25 milionë njerëzish, kështu që “aitij nuk i intereson nëse ka 500,000 kufoma. Për të kjo është vetëm 2% e rezervës”.
Postimi shqetësues i kanalit thotë: Putini dhe udhëheqja e bllokut ushtarak e dinë mirë se duke transferuar në front njerëz të patrajnuar dhe të papërgatitur dhe në shumë raste të pajisur keq, ata i dënojnë me vdekje.
Kanali pretendon se mobilizimi “po vazhdon me sukses”, pavarësisht protestave të përhapura në të gjithë Rusinë kundër rendit dhe një eksodi masiv në vendet fqinje.

(BalkanWeb)