Presidenti rus Vladimir Putin paralajmëron se Rusia do të vendosë këtë vit regjimentin e parë të raketave hipersonike me aftësi bërthamore.

Pas provës së bërë të raketave hipersonike, e njohur si “Avangard” Putin deklaroi se ky sistem do t’i sigurojë Rusisë sigurinë për dekada të tëra, ndërsa pretendon se sistemi është i “pacënueshëm”.

“Testi u krye me sukses, të gjitha parametrat teknike u verifikuan”, tha Putin,

“Në vitin 2019, do të hyjë në funksion Sistemi hipersonik Avangard, një strategji e re ndërkombëtare, e cila do të jetë e pajisur me një raketë hipersonike”

Sistemi hipersonik Avangard është testuar nga baza ajrore ushtarake Dombarovsky në jugperëndim të Rusisë.

Raketa hipersonike lëviz me një shpejtësi që arrin deri në 20 Meç (Mach), që është 20 herë më e lartë se shpejtësia e zërit.

(BalkanWeb)