BERAT
Policia e Beratit ka arrestuar 2 persona, pasi lëviznin në orarin e ndalimit të qarkullimit për shkak të Covid-19 dhe kundërshtuan punonjësit policorë.
Në pranga ka rënë një 27-vjeçar dhe një 21-vjeçar, që akuzohen për veprën penale “Kundërshtimi i punonjësit të policisë së rendit publik”.
Njoftimi i policisë:
Berat
Kundërshtuan me dhunë punonjësit e Policisë, arrestohen në flagrancë 2 shtetas.
Nga specialistët e Seksionit për Krimet u bë arrestimi në flagrancë i shtetasve:
- F., 21 vjeç dhe E. A., 27 vjeç, të dy banues në lagjen “Donika Kastrioti”, Berat.
Këta shtetas kanë qenë duke qarkulluar në rrugë mbrëmjen e djeshme, gjatë orarit të ndalimit të lëvizjes, në kundërshtim me Aktin Normativ dhe në momentin që janë konstatuar nga shërbimet e Komisariatit të Policisë Berat, i kanë kundërshtuar ata me dhunë.
Materialet u referuan në Prokurorinë pranë Gjykatës së Shkallës së Parë Berat, për veprën penale “Kundërshtimi i punonjësit të policisë së rendit publik”.
(d.xh/ balkanweb)