Nëse e nis ditën me emisionin “Koha për t’u zgjuar” në News 24, secili prej qytetarëve mund ta gjejë veten aty. Jo të paktë në numër, qytetarët si çdo ditë zgjedhin ekranin e News 24 për të denoncuar hallet dhe shqetësimet që hasin në jetën e përditshme.
Në bashkëbisedim me drejtuesin e emisionit, ata nuk kursejnë kritikat ndaj qeverisë duke u shprehur se zonat e thella dhe ato periferike janë lënë tërësisht në harresë.
Telefonatat e qytetarëve:
“Unë jam një banor nga Belshi. Unë për vete jam shumë shumë i kënaqur me qeverinë. Që kur ka hyrë qeveria, njerëzit janë ndërgjegjësuar. Qeveria është në rrugën e duhur”.
“Kemi afro 30 vjet demokraci. Le të themi se në vitet e para mungonte eksperienca. Qeveria ishte dhe është një anije pa busull. Populli thotë: Nëse përsëriten disa gabime disa herë, nuk është më hyjnore. Populli nuk e fal qeverinë për lulëzimin e drogës, krimit, dënimit dhe përdhunimit”.
“Jam dakord me parafolësen. Është hera e parë që marr në telefon nëpër televizione. Mbështes të gjitha mendimet e asaj zonjës”.
“Ne jemi popull i pabesë. Ne shitemi për 50 mijë lekë. Sepse këta të blejnë dhe më pas të shkatërrojnë. Erion Veliaj nuk del në rrethina të bashkisë. Po zhdukemi mor vëlla, po ikin të gjithë. S’di se çfarë të them”.
