Qeveria italiane ka miratuar një plan, për të rinovuar ambientet e brendshme të Koloseut në Romë, e njohur ndryshe si ‘tempulli i gladiatorëve’.
Ministri i Kulturës, Dario Franceschini, njoftoi se në hapësirën e brendshme të Koloseut do të ndërtohet një dysheme druri, vlera e të cilës përllogaritet diku tek 18.5 milionë euro.
Dyshemeja pritet të përfundojë në 2023-in. Koloseu konsiderohet si një vepër rreth 2 mijë vjeçare e vjetër.
Ajo mbart shumë tunele, vende ku kanë pas qëndruar gladiatorët, kafshët, por edhe mijëra njerëzit që ndiqnin luftimet e përgjakshme.
Por ajo nuk ka pasur një dysheme dhe sipas autoriteteve, ky projekt shihet si mjaft ambicioz, edhe për turistët e shumtë që vizitojnë monumentin.
(BalkanWeb)