Në panairin ”Consumer Electronic Show”, që po zhvillohet në Las Vegas, kompanitë Qualcomm dhe Microsoft njoftuan një bashkëpunim për të zhvilluar produkte dhe shërbime kushtuar Metaversit.

Ideja e një platforme të realitetit virtual dhe të shtuar për komunikim dhe argëtim, e paraqitur në fund të 2021 nga Mark Zuckerberg, ngjalli një interes të ri për projektet e reja dhe ekzistuese të të mëdhenjve të teknologjisë së lartë.

Qualcomm dhe Microsoft do të bashkëpunojnë në mënyra të ndryshme, duke filluar me furnizimin e çipave të projektuar posaçërisht për syzet dhe shikuesit e ardhshëm të realitetit të përzier, të ndërtuara nga Microsoft dhe partnerët e tij.

“Ky bashkëpunim pasqyron angazhimin tonë të përbashkët për të përshpejtuar në Metavers”, tha Hugo Swart, nënpresident dhe menaxher i përgjithshëm i Qualcomm Technologies.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: