MAMINAS- Një aksident i trefishtë ka ndodhur pasditen e sotme në autostradën Durrës- Tiranë, duke rënduar trafikun. Për një gjatësi rreth 3 km është bllokuar qarkullimi i mjeteve në autostradë, në afërsi të Sukthit, pasi janë përplasur me njëri-tjetrin dy autobusë dhe një makinë.
Aksidenti i trefishtë ka ndodhur rreth orës 17:00 pranë Maminasit, por fatmirësisht nuk raportohet për persona të lënduar.
Menjëherë në vendin e ngjarjes kanë mbërritur forcat e policisë, dhe kanë nisur hetimet për shkaqet e aksidentit.
Ndërkaq, uniformat blu po punojnë për lehtësimin e trafikut, dhe lëvizjen e automjeteve.
(b.e/BalkanWeb)