Radhë të gjata në Kapshticë. Qytetarët prej një ore presin në pikën e kalimit kufitar të Kapshticës për të depërtuar në tokën greke.

Nga policia mësohet se shkak i radhëve të gjata është fluksi i madh i turistëve dhe shqiptarëve që jetojnë në Greqi.

Për të shmangur orët e gjata të pritjeve të dyja doganat po punojnë me sportelet maksimale. Në orët në vijim pritet normalizimi i situatës.