Deputeti i opozitës parlamentare, Ralf Gjoni ka treguar në rubrikën ”Opinion” në News24 në një lidhje virtuale se si po e kalon situatën pas infektimit me COVID-19.
Gjoni e quan këtë si një grip të keq dhe thotë se mund të jetë infektuar në fillimit të javës së kaluar por shenjat iu dhanë të premten dhe të shtunën.
Ai shton se ndjen lodhje tipike por përveç ikjes së nuhatjes nuk ka tjetër shenjë klinike.
Për më tepër ai thekson se fatmirësisht mamaja e tij ka rezultuar negative.
”Jam diku nga dita 6-7 e infektimit. Jam ok, ndjej një lodhje tipike. Përveç ikjes së nuhatjes nuk kam tjetër shenjë klinike. Shpresoj ta kaloj.
Mendoj se jam infektuar diku nga fillimi i javës së kaluar. Dhe shenjat e para mi dha diku nga e premtja e shtuna. Të shtunën u shtyva për të bërë testin. është një grip i keq. Tani mamaja ime më njofton që ka rezultuar negative me COVID-19”- tha Gjoni.
(BalkanWeb)
