TIRANË

Ish-kryeministri Sali Berisha ka akuzuar kryeministrin Edi Rama për gjendjen e lirisë së medias në vend. Berisha tha se është “një njeri me një kulturë mizerabël, e gjithë pasuria e tij bazohet në filmat në kinostudios Shqipëria e re dhe në librin e mashtrimeve të Nastradinit”.

Sipas tij, Rama dhe Veliaj janë fabrikate të Shoqërisë së Hapur.

Më tej ai i bëri thirrje gazetarëve në një aleancë të re për të vërtetat e mëdha të çdo kombit dhe për transparencë të plotë për t’i dhënë duart këtij regjimi autokratik.

“Me fjalorin e tij ai është bërë i famshëm dhe në Europë me ndëshkimin që i bën gazetarëve për pyetjet që nuk i pëlqejnë, gjer te reminishencat e fëmijërisë së tij me gjyshen. Në fakt është një atribut personal i gjyshes së tij, të cilin ai, njeri me një kulturë mizerabël, e gjithë pasuria e tij bazohet në filmat në kinostudios Shqipëria e re dhe në librin e mashtrimeve të Nastradinit, për të cilat e tejkalon. Po kaq armik i fjalës së lirë është dhe Erion Veliaj.

Erion Veliaj përbën variantin më të shëmtuar të zyrtarit, të qëndrimit ndaj fjalës së lirë, ndaj gazetarëve, ndaj pronarëve të mediave. A mund të imagjinoni ju që të dy këta zotërinj vijnë nga shoqëria e hapur e George Sorosit. Këta janë fabrikate të shoqërisë së hapur, e cila për definicion duhet të jetë e kundërta. pra, kemi të bëjmë me një situatë dramatike, e cila vetëm këtë vit dhe Rama ka shkallën e vet të përgjegjësisë. I keni vënë re këto ministre, të nderuara, jo dhe aq të cilat i nxjerr si gazetare para mediave për të mos lejuar gazetarët të flasin, ndodh kjo në ndonjë vend? Ndodh vetëm në kanabistan. A keni konstatuar që nuk i lejon ministret të vijnë në debate dhe ministrat. E kanë të ndaluar, përballon debatet me njerëz të paguar. Deformimet këtu janë të shkallës maksimale. Natyrisht i jep asaj kohë sipas qejfit tënd, as 5 minuta nuk kanë kaluar. Unë e mbyll me kaq, duke denoncuar shkeljet e rënda dhe duke u bërë thirrje gazetarëve në një aleancë të re, një aleancë për të vërtetat e mëdha të çdo kombi, të lirisë së tij. Të bëjmë gjithçka për transparencë të plotë dhe për t’i dhënë duart sa më shpejt këtij regjimi autokratik”, deklaroi Berisha.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: