TIRANË

Deputeti i Partisë Demokratike, Agron Shehaj foli me tone të ashpra në studion e emisionit “Të Pa Ekzpozuarit” në News 24, ndërsa theksoi se shefi i qeverisë duhet të ishte sot nën hetim.


Gjithashtu deputeti i PD-së  tha se qëllimi kryesor  i opozitës është që të fitohet beteja për organizimin e zgjedhjeve të lira dhe të ndershme, ndryshe siç është bërë deri më sot.

“Për çfarë synon opozita. Opozita kërkon një gjë shumë të thjeshtë, zgjedhje të lira. Kërkon kushte demokratike. Po e shikojmë se si pasurohet Rama dhe disa oligarkë. Si t’ja bëjmë? Se në fund të fundit ai thotë se unë jam zgjedhur dhe ata do të synojnë karrigen time. Unë mendoj se nëse ka dhunë demokracia ka dështuar. Ka dështuar se nuk ka asnjë ndikim.


Unë dyshoj se edhe kur Rama të mos jetë kryemister them se prapë nuk do të kemi zgjedhje të lira. Unë mendoj që është e domosdoshme, që Edi Rama duhet të jetë nën hetim për atë që ka bërë. Minimalisht duhet të ishte në hetim, por kjo më duket absurde dhe e pamundur.


Lufta  e opozitës ka shumë beteja dhe është shumë e gjatë. Berisha po kërkon vëmendje për një problem shumë të madh, që sa më vonë të ngrihemi aq më shumë  vështirë do ta kemi. Ky po forcohet dita ditës, sepse i ka kapur të gjitha”, tha Agron Shehaj.

(N.M/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: