Kryeministri Edi Rama gjatë fjalës së tij në seancën e sotme plenare, ku pritet që qeveria të betohet pas prezantimit të programit për mandatin e ardhshëm, pati edhe disa fjalë të mira për opozitën.
Ai e falënderoi Partinë Demokratike për kontributin e saj në procesin e dekriminalizimit dhe luftën kundër drogës.
“Opozita luajti rol real në shkundjen tonë karshi dekriminalizimit e kanabisit. E kotë të mohohet se dhe opozita pati kontributin e saj,” tha Rama.
Ai gjithashtu shtoi se pavarësisht kësaj konkurrentët nuk duhet ta sulmojnë njëri-tjetrin duke përdorur mediat e huaja.
“Konkurrentët politikë nuk duhet të marrin rrugët e botës për të hedhur baltë mbi palën tjetër, por që në fakt bëjnë pis Shqipërinë. Pushteti nuk merret duke shkuar në Bruksel të ndarë,” tha kryeministri.
(e.f/BalkanWeb)