Kryeministri i Shqipërisë, Edi Rama ka përmendur dhe sulmuar Presidentit e Republikës, Ilir Metën duke e ironizuar madje.
Rama thotë se Meta sa herë del në TV flet me vete, dhe pa e pyetur kush një në trefjalë i ka burg.

Ai nuk ka kursyer as PD, dhe me rastin e 12-vjetorit të anëtaërsimit në NATO ka deklaruar se Shqipërinë në të nuk e futo qeveria e PD por Amerika.

Për Ramën, fushata e opozitës karakterizohet nga bërtitjet, sharjen, mallkimet teksa kërkon nga shqiptarët që më 25 prill të votojnë PS për të vijuar punët, vaksinimin e Rindërtimin, ose ato do të ndalen nga qeveria e PD.

”Nuk kanë idenë çfarë do të thotë të drejtosh një vend, e t’i ulesh në gjunjë të tjerëve që kemi nevojë. Nuk dinë se si bëhen as miqësitë, e partneritetet, po vetëm dëngla Europa, Europa.
Gjithçka bëjnë është kundër Europës. Nuk e duam Shqipërinë ta çojmë në Europë, po Europën ta sjellim këtu.
Do ulim sigurimet shoqërore, do ulim pensionet. Nuk duhet të biem në kurth. Kanë çuar në Vlorë, atje në Vlorë, kanë çuar, në vend të shkojnë tu dërgojnë votrën, shkruajnë kallëzime për gfjithë punët publike. Duan të ndalojnë gjithë punët, Rindërtimin, vaksinimin. Se nuk është se ne nuk i njohim. Nuk e njihni Mediun? Fatmir Mediun, Dash Shehin nuk e njihni ju që edhe në televizor kur e sheh të zë rakia, e të duken ato sustat e telekomandës si ulli.
Mesilën e njihni, ajo që do varte protestuesit tek palma, Dulen e njihni, po Nardin, se atë sigurisht që e njihni.
Kur thonë jo shiko se, ça të shikoj, vetëm bërtet, shan, vetëm mallkojnë. Dhe për çfarë? E pra është koha për të qëndruar shumë drejt, do vazhdojmë përpara, të kryejmë punët, t’i çojmë para përpjekjet apo të shkojmë në gropë. Më thonë njëherë që morën detyrën dhe nuk e lanë më keq se çfarë e gjetën.
Ju ka ngel goja ju futëm NATO, na futi Amerika jo këta. Në fund fare mos harroni, këto zgjedhje vendosin përfundimisht fatin e Drejtësisë. E kemi ngritur me shumë mundi bazën, ka filluar të çeli me shumë vështirësi embrioni,.
Meta flet me vete sa herë del në TV, e pa i thënë kush, një në tre fjalë e ka burg, burgu, burgu. ça i rreh mendja, e di vet. Berisha, Meta e Kryemadhi janë armiq të Drejtësisë së Re.
S’mund të prodhojë toka kur punon një ditë, por duhet përditë, që fara të bëhet fidan, fidani pemë, pema të prodhojë e prodhimin ta marrësh.
Drejtësia, mbrojtja e saj është 25 prilli. Vazhdimi e përfundimi me luftën ndaj armikut të padukshëm është 25 prilli. Rindërtimi është 25 prilli. Rritja e eksporteve, është 25 prilli. Përrallat me mbret, do japim 1 mijë euro këtu, 500 euro këtu, 3 mijë euro andej, duhet t’ju kujtojnë Suden, Vehbiun, Xhaferrin. Nuk ka sot, s’ka pasur kurrë qofte ke daja. Sikush të ketë strehën e vet, të mbrohet, të vazhdojë punën e tij. është ndarje e prerë mes dy botëve, bota e vaksinimit dhe rindërtimit, punës, besimit e durimit dhe qokave, rrenave dhe bota e kalova lumin, mbaje vetë kalin.”- tha Rama.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb