FRANCE- Kryeministri Edi Rama gjatë vizitës dje në paris, Francë, u prit në një takim zyrtar nga Presidenti francez, Emmanuel Macron.
Takimi, i cili u zhvillua në Pallatin Elysee, në Paris, cilësohet si mjaft i rëndësishëm për vendin tonë, pasi në tryezën e bisedimeve ishte qëndrimi i Francës në lidhje me procesin e integrimit të Shqipërisë, e cila është në pritje të një vendimi nga ana e vendeve të BE-së në muajin qershor për hapjen e negociatave.
Në një postim në rrjetin social “Facebook”, kryeministri Rama uron mirëmëngjes me një fotoalbum të takimit dje në Paris me Macron.
“Mirëmëngjes dhe me fotoalbumin e takimit dje në Paris me Presidentin Macron, ju uroj një ditë të mbarë”, shkruan Rama.
(BalkanWeb)