Një familje e lumtur dhe e lidhur ngushtë duke shijuar pushimet në një vend të veçantë. Kështu shfaqen Raoul Bova dhe Rocio Munoz Morales në fotot që postojnë në rrjetet sociale nga Roccella Jonica, ku kanë kaluar disa ditë me vajzat e tyre Luna dhe Alma dhe qenin e tyre. “Familja është drita, streha, e vërteta”, shkruan aktori, “Më pyesni nëse jam i lumtur…” përgjigjet partnerja e tij, e cila më pas përgjigjet vetë: “Po, jam shumë e lumtur.”
Në plazh të gjithë shfaqen të qeshur duke shkëmbyer puthje… Raoul dhe Rocio ndajnë në rrjetet sociale kujtimet e momenteve të mrekullueshme të kaluara me familjen në Kalabri. Aktorja nxjerr në pah fizikun e saj perfekt veshur me bikini në buzë të ujit, ndërsa aktori fotografohet me pantallona të shkurtra dhe bluzë.
“Në vendin ku jam rritur, çdo gjë është më e ëmbël…”, shkruan Bova duke ndarë fotot. Muajt e fundit mes tij dhe Munoz Morales kanë qarkulluar zëra për një krizë, së cilës çifti aktorial ka preferuar të mos i përgjigjet. Fotot e pushimeve të tyre familjare vlejnë më shumë se çdo fjalë.
(tgcom24/BalkanWeb)
