Kryeministri i Kosovës, Albin Kurti i është bashkuar tryezës vjetore të 26 të Economist-it, organizuar nga qeveria e Greqisë, ku edhe ka folur për stabilitetin dhe prosperitetin në rajon.
Gjithashtu në një reagim në Twitter, Kurti vë theksin tek procesi i Berlinit, duke anashkaluar në këtë mënyrë ‘Open Balkan’, nismë për të cilën është shprehur kundër. Sipas Kurtit, procesi i Berlini do të përmirësonte situatën në Ballkanin Perëndimor.
“Procesi i Berlinit mund të sjellë një valë që do të ngrinte të gjitha anijet në Ballkanin Perëndimor, me BE që drejtonte vlerat dhe mekanizmat e tij. Këtë e theksova edhe në panelin e tryezës së 26-vjetore të qeverisë Ekonomike në Athinë”, thekson më tej Kurti.
Gjithashtu Kurti ka zhvilluar edhe një takim me ministrin e Jashtëm grek Nikos Dendias, me të cilin ka biseduar për raportet mes dy vendeve.
“Raportet e shkëlqyeshme ekzistuese ndërmjet Kosovës dhe Greqisë u theksuan në takimin ndërmjet kryeministrit të Kosovës dhe ministrit të Jashtëm grek. U potencua nevoja për liberalizimin e vizave si proces tashmë i vonuar. Kryeministri Kurti kërkoi përkrahje nga Greqia për integrimin e mëtejshëm në organizata rajonale”, bëhet me dije nga autoritetet në Kosovë.
Kujtojmë se Greqia është ndër vendet që ende nuk e ka njohur pavarësinë e Kosovës.
The Berlin Process could bring a tide that would lift all boats in the Western Balkans, with the European Union guiding its values and mechanisms. I emphasized this at the panel of the 26th Annual Economist Government Roundtable in Athens. #EconRoundtableGR pic.twitter.com/w11fzOwQEX
— Albin Kurti (@albinkurti) July 5, 2022
(BalkanWeb)
