Real Madrid ka humbur një çështje mbi të drejtën e emrit të stadiumit me vlerë 400 mln euro sipas gazetës ekonomike spanjolle EL Economista.
Kjo do të thotë se ata duhet të shesin lojtarë këtë verë për të rindërtuar projektin Galaktiko.
Javën e kaluar, klubit iu dha një leje për të filluar rindërtimin e stadiumit Santiago Bernabeu.
Por plani për të financuar rinovimin e stadiumit me kontratat e të drejtave të emrit me kompaninë ndërkombëtare të naftës Cepsa ka dështuar.
El Economista raporton të premten se oferta 400 mln euro, për të cilën është rënë dakord në 2014, është tërhequr nga fondi Mubadala i Abu Dhabit, që është aksionari kryesor i Cepsa, shkruan telesport.
Madrid është në kërkim të një sponsori të ri për të filluar punimet e rindërtimit të stadiumit por ky hap mbrapa do të thotë se Los Blancos duhet të shesin yjet e tyre për të nisur negociatat për emra si Eden Hazard dhe Harry Kane.
I preferuari i tifozëve Isco është rikthyer në pankinë në ndeshjen e fundit pas rikthimit të treshes BBC dhe me shumë mundësi do të ishte lojtari i parë që do të largohej. Atij mund t’i bashkohej edhe Raphael Varane, për të krijuar fondet e duhura për merkato.
(BalkanWeb)
