Opinionisti dhe analisti, Fatos Lubonja, ka deklaruar se një pjesëmarrje e vogël në referendumin e Maqedonisë është tregues i qartë, i cili lidhet dhe pasqyron dështimin e Europës.
Teksa ka folur në rubrikën “opinion” në News 24, Lubonja shtoi faktin se nacionalizmi në Maqedoni po vjen në rritje, ndërsa në pah sipas tij, po dalin idetë nacionaliste që tregojnë dobësinë e kontinentit të vjetër.
“Prisja një pjesëmarrja mbi 50 për qind. Është domethënëse kjo pjesëmarrje. Pa dyshim që ky referendum duhet lexuar në disa plane, por një nga planeT është edhe plani i brendshëm. Kjo në raport me plitkën. Por edhe në atë që lidhet me tendencën në rritje të nacionalistëve. Kjo tregon se Gruevskit ka një mbështetje të madhe në Maqedoni, dhe nuk dimë pastaj se si ndikon kjo tek emri apo edhe tek politikat që ndiqen. Prapa saj qëndron një ndjenjë e fortë nacionaliste, e cila duhet lexuar si brenda vendit, por edhe jashtë saj”, tha Lubonja.
Sipas tij, edhe Amerika me nismat e Trump synon të ketë përballë një Europë më pak të fuqishme.
“Besoj se në kontekstin europian, kjo duhet lexuar edhe si një rënie e autoritetit të Europës, që mund të quhet si projekti europian, në favor të prirjeve nacionaliste që janë në rritje në Europë edhe në Ballkan. Kjo e fundit duhet analizuar si dështim. Ka pasur të bëjë më faktin se Greqia ishte pjesë e komunitetit europian, e cila aspiron se duan të shkojnë edhe vendet e Ballkanit. Autoritetet europiane nuk janë aq të forta. Tepër paradoksale, që sot në emër të integrimit të Serbisë në Europë, kalohet në ndryshim kufijsh në nocione nacionaliste, Europa kishte filozofi, e cila shuante këto dilema etnike. Kjo tregon se është një dështim për Europën. Fakti që Greqia ka kërkuar që ky emri të mos pranohet, tregon se nacionalizmi është prezent. Besoj se ky mund të jetë shpjegimi, pastaj se sa larg mund të shkojë ky projekt nuk dihet, një Amerikë e cila donë një Europë më të dobët dhe një Trump që mbështet nacionalizmin, gjithçka mund të ndodh”, nënvizoi ai.
I pyetur se nëse ndikimi rus ka patur rritje në Ballkan, konkretisht në Maqedoni, Lubonja shprehet: “Besoj se mund të konsiderohet si në mos fitore, por një rritje dhe forcimit të rolit të Rusisë. Nuk besoj se është shkak i ndikimit të Rusisë, ku forcat e djathta në Europë, të cilat mbështesin shtetin-komb, këto janë disa nga pasoja të politikave të Brukselit. Europa duhet ta shohë dështimin tek vetja”, shtoi Lubonja.
(n.m/BalkanWeb)
