Kryetarja e LSI, Monika Kryemadhi teksa prezantonte programin politik është ndalur edhe tek fusha e arsimit.
Kryemadhi ka theksuar LSI në qeveri do të investojë në kërkimin shkencor dhe inovacion, në mënyrë që të kryhet reforma e nevojshme në arsim.
Ajo theksoi studentët do të mbështeten me programin ”Mëso dhe Fito”, në mënyrë që edhe të studiojnë, por edhe të fitojnë në biznes.
PJESË NGA FJALA E MONIKA KRYEMADHIT
Do të masivizojmë programin Mëso dhe Fito dhe do të investojmë në kërkimin shkencor dhe inovacion
Ne do të vendosim Taksën e të Ardhmes në 1% e fitimit të 200 aktiviteteve apo kompanive të të mëdha. Kjo e bën të mundshme, të prekshme për të realizuar atë reformë në arsim që është e domosdoshme
Do të masivizojmë programin Mëso dhe Fito, që profesionistët e rinj të punojnë dhe fitojnë pranë biznesit, ndërsa mësojnë në shkollë.
Do të investojmë në kërkimin shkencor dhe inovacionin, që të rinjtë te tregojnë talentin e tyre dhe që shoqëria të konkurrojë në ekonomi me dinjitet si me fqinjët, ashtu edhe me botën.
(BalkanWeb)