Mbi 4 400 kilometra në rrugë midis Romës dhe Kepit të Veriut në më pak se 46 orë.

Sfida dhe rekorde të përqendruara kryesisht duke drejtuar një Ferrari F8 me kohën e saktë 45 orë 20 minuta dhe 37 sekonda.

Protagonistët e rekordit ”Guinness” 2021 janë Fabio Barone dhe bashkëshoferi i tij, Alessandro Tedino.

Ekuipazhi italian, në bordin e një Ferrari F8 ”Tributo”, ishte nisur të shtunën më 4 shtator nga ”Via dei Fori Imperiali” në Romë me qëllim të mbulimit të 4 400 kilometrave në më pak kohë sesa vlerësohej nga sistemi i hartës dhe navigimit i projektuar nga “Mountain View”.

Me 11 rimbushje të serbatorit përgjatë rrugës, dy italianët kaluan pjesën më të madhe të Evropës pa i tejkaluar kurrë kufijtë e shpejtësisë të vendosur në itinerar dhe ishin në gjendje të lëshonin performancën e Ferrarit të tyre vetëm në autostradat legjendare gjermane.

Udhëtimi u monitorua vazhdimisht nga një ekip prej 40 teknikësh dhe profesionistësh, që ndoqën ekuipazhin drejtpërdrejt në të gjithë aventurën.

Një projekt i ëndërruar prej dy vjetësh, i cili hyri në librin e rekordeve ”Guinness”.

“Ideja u frymëzua nga një kompani në vitin 1953, në të cilën katër të rinj të guximshëm në bordin e një Fiat Balilla u larguan nga Roma dhe arritën në Kepin e Veriut duke u kthyer në kryeqytet pas 45 ditësh udhëtimi”, shpjegon Barone.