KOSOVA
Kosova ka shënuar papritur një rëndim të bilancit me COVID-19. Rastet e reja janë dyfishuar së fundmi, pasi 79 raste të reja u regjistruan.
Ndërkohë 3 viktima ka shënuar Kosova ndërkohë kujtojmë se dje nuk kishte asnjë. Ministri i Shëndetësisë, Armend Zemaj prej kohësh artikulon se gjendja epidemiologjike në Kosovë është e mirë por nuk ka përjashtuar mundësinë se vendi mund të shkojë në karantinë në rast se rriten shifrat e COVID-19.
NJOFTIMI NGA IKSHPK
61 TË SHËRUAR DHE 79 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 764 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 79 raste pozitive. Brenda 24 orëve janë raportuar tre raste të vdekjes me SARS CoV-2 pozitiv (2 raste Klinika Infektive dhe 1 rast MIQ, QKUK).
Numri total i rasteve pozitive është 16.050 raste nga 73.340 persona të dyshimtë në virusin SARS-CoV-2 dhe 641 raste të vdekjes.
Gjatë 24 orëve të fundit, janë shëruar 61 pacientë derisa numri i përgjithshëm i të shëruarve deri më sot është gjithsej 14.250 raste, kurse numri i rasteve aktive është 1.159.
Rastet pozitive janë nga komuna Prishtinë 26 raste, komuna Gjilan 17 raste, komuna Gjakovë 11 raste, komuna Ferizaj 3 raste, komuna Pejë 3 raste, komuna Viti 3 raste, komuna Drenas 2 raste, komuna Klinë 2 raste, komuna Malishevë 2 raste, komuna Prizren 2 raste, komuna Vushtrri 2 raste dhe me nga një rast komunat Fushë Kosovë, Lipjan, Rahovec, Shtime, Skenderaj dhe Suharekë.
Mbuloni gojën dhe hundën me maskë!
Mbani higjienën!
Respektoni distancën!
(BalkanWeb)
