Në ditën e tretë të grevës së urisë, sekretari i shoqatës së Paraplegjikëve, Skender Sollaku u shpreh se Situata është shumë kritike.
“Kemi tri ditë në grevë urie dhe nuk kemi marrë asnjë kontakt me institucione apo shërbim social. Ne kërkojmë të plotësohen kërkesat tona”, ka thënë Sollaku.
Gazetari Fatmir Popja tha se personat që janë futur në grevë urie janë shoqëruar edhe nga familjarë.
“Situata rëndohet ditë pas dite. Kemi probleme me kempin. Përse ndodh kjo. I thasë doktorit përse me ke hequr kempin. Jo më tha, e ka hequr kryeministri. Kam 40 vite që djalin e shoh të shtrirë e laj si bebe. I bëj thirrje Edi Ramës dhe atij eprorit tek Kempi që të na vijë. Edi Rama të vijë të na takojë, të më takojë si nënë, të shohë fëmijën, nëse nuk i takon ia paguaj unë paratë që kanë dhënë”, tha një familjare.
(BalkanWeb)
