Rihanna ende nuk e ka zbuluar emrin e djalit të saj 4 muajsh, por ajo mund të ketë dhënë një indicie.

Ajo u pa në një studio regjistrimi në Hollywood të shtunën, e veshur me një fanellë vintage futbolli Clench. Ajo e kombinoi bluzën me xhinse Diesel (292 dollarë), një çantë Balenciaga prej 7,400 dollarësh që shkëlqente si një diamant – dhe, ajo që nxiti kuriozitet më shumë, një varëse e gjatë argjendi me një shkronjë “D”.

“Pyes veten se për çfarë është D në zinxhirin e saj? Emri i bebes?” një fans postoi i emocionuar në Twitter.

“Është Drake, apo jo? lol,” tha një tjetër me shaka, duke iu referuar marrëdhënies së dikurshme të reperit me Rihanna-n.

Megjithatë, ka një shpjegim të thjeshtë për aksesorin: Është një zinxhir vintage me logo i Dior. Pavarësisht nëse themelueses së Fenty Beauty i pëlqente thjesht bizhuteria apo e zgjodhi atë për një qëllim më të thellë (sepse ndoshta D është shkronja e parë e emrit të bebit), e sigurt është që ajo tërhoqi edhe një herë vëmendjen e të gjithëve.