Sot Stela mund të marrë frymë lirisht, falë aparatit të saj. Vogëlushja 7-vjeçare është më e lumtura e familjes Dervishi pasi OSHEE riktheu një ditë më parë energjinë e munguar prej ditësh në këtë banesë gati të rrënuar në fshatin Lekaj.
Mes mjerimit që e rrethon banesën, gëzimi në sytë e Stelës është ai që reflektohet dukshëm. Ajo entuziazmohet kur vë aparatin për të jetuar dhe marrë frymë si gjithë të tjerët.
Por problemet e familjes Dervishi nuk kane të sosur. Varfëri, sëmundje dhe mjerim janë sfidat me të cilat përballen çdo dite 4 pjesëtarët e familjes. Pa ndihmë ekonomike, të cilën nuk e kanë marrë deri më sot, pasi kurrë nuk kanë aplikuar, puna rastësore e kryefamiljarit është ajo me të cilën mbahen 4 frymët.
Thirrjen më të sinqertë e ka Stela, e cila edhe pse kaq e vogël çdo ditë provon halle me peshë të rëndë.
Nuk mundet të shohë dhimbjen në sytë e dy vogëlushëve të saj. Tefta Dervishi kërkon qe dikush t’iu shtrijë dorën e t’i nxjerrë nga bataku, përbuzja dhe harresa.
(BalkanWeb)
