Ish-deputetja e PD, Jorida Tabaku denoncon sërish se në shkollën ‘’Sami Frashëri’’ nuk punohet për të rindërtuar godinën.

Tabaku thotë se edhe sot mbas thuajse 1 javë nga denoncimi i fundit nuk punohet në asnjë kantier duke publikuar pamje dhe nga zona e bllokut të ‘’5 Majit’’ në Tiranë.

Ajo thotë se fadromat ndizen vetëm kur i duhen Veliajt për të bërë foto teksa duan t’i manipulojnë shqiptarët përpara kamerave duke gënyer dhe sapo ato  fiken puna ndalon.

 

STATUSI NGA JORIDA TABAKU

Tërmeti dhe pandemia grisën fasadën e qeverisë dhe botën imagjinare që kish ndërtuar propaganda!

Dhe në fatkeqësi e kanë mendjen te propaganda dhe vjedhja. Shkolla “Sami Frashëri” është shembulli më i mirë se si punojnë e mendojnë, se si e konsiderojnë pronën private dhe atë publike si çiflig të tyre, se si manipulojnë shqiptarët përpara kamerave duke gënjyer se punohet dhe sapo ato fiken puna ndalon. E gjitha në funksion të mbulimit të vjedhjes së taksave të shqiptarëve.

Betejën mes propagandës dhe fakteve e fiton gjithmonë e dyta, pasi tregon të vërtetën. Asnjë regji qendrore apo video 3D nuk mund të çbëjë të vërtetën se tek shkolla Sami Frashëri nuk punohet. Fadromat ndizen vetëm kur i nevojiten manipulatorit Veliaj për të bërë foto. Pamjet që shihni tregojnë se as në zonën e bllokut “5 Maji” nuk punohet ndonëse kryemanipulatori Rama e transmetoi live në televizionin e tij privat se po ndërtohet.

Sot thuajse një javë mbas nuk punohet në asnjë kantier sepse qeveria dhe krybetonieri Veliaj nuk kanë vullnet dhe as dëshirë të ndihmojnë shqiptarët. Ato kanë vjedhur taksat e shqiptarëve gjithë këto vite dhe tanimë nuk u ka mbetur asgjë përpos se gënjeshtrat dhe manipulimet. Nuk punohet! Nuk ndërtohet!

JavaScript SDK
IFrame
Mbyll
Place this code wherever you want the plugin to appear on your page.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb