Karim Benzema është një nga lojtarët më të mirë që ka Real Madrid. Los Blancos ka kontratë me futbollistin deri në fund të sezonit, ndërsa ende nuk dihet e ardhmja e sulmuesit. Rreth kësaj çështje ka folur drejtori i marrdhënieve institucionale te Real-i, Emilio Butragueño.
“Kundër Liverpool ai shënoi, por ai mund të kishte shënuar edhe më shumë se një gol. Benzema është një gur themeli për lojën tonë sulmuese, një mjeshtër i futbollit dhe i lojës ekipore. Është thelbësore për ne që të kemi një lojtar të tillë në ndeshje të tilla” – Tha ai.
Karim Benzema ka luajtur 15 ndeshje këtë sezon në La Liga, ku ka gjetur rrugën e rrjetës 11 herë dhe ka asistuar 3 herë. Në Champions League, francezi është takuar 3 herë me golin në 6 ndeshje.
(BalkanWeb)