Mbrojtësi shkodran i Kombëtares shqiptare, Elseid Hysaj, është fare pranë rinovimit me klubin e tij, Napolin.
Pas një fillimi të vështirë pas ardhjes së Karlo Ançelotit në krye të stolit të klubit të kaltër, Hysaj ka rifituar sërish vendin e tij në formacionin titullar dhe tashmë duket se mbrojtësi dhe drejtuesit kanë gjetur “feeling”-un që u mungonte prej kohësh.
Sipas mediave italiane, 25-vjeçari është pranë rinovimit të kontratës, dhe përveç kohëzgjatjes, pritet dhe një rritje e ndjeshme e pagës. Agjenti i lojtarit, Xhufredi, ka kërkuar një rrogë prej 3 milionë eurosh në sezon, ndërsa Napoli duket se do të ndalet në 2.5 milionë euro, që gjithsesi do ta shndërronin Hysajn ndër lojtarët më të paguar në ekip.
(BalkanWeb)