TIRANE- Pas analizës së zgjedhjeve, Partia Demokratike ka ngritur një grup pune për për rikonceptim të degëve të partisë dhe për riorganizimin e strukturave. Deputeti demokrat Arben Ristani ka folur për mbledhjen e kryesisë së PD, duke u shprehur se zgjedhjet dëshmuan inefiçencë të strukturave dhe inefiçencë e lidershipit të degëve.
Nisur nga kjo situatë, Ristani shprehet se grupi i punës do të angazhohet për sfidat elektorale që presin PD, si dhe do të përgatitet programi qeverisës i kësaj force politike.
Deputeti Ristani tha ndërkaq, se në PD është ngritur fondacionin “Për liri dhe demokraci”, si dhe departamenti për kontributet historike, dhe departamenti për integritetin e figurës dhe partisë.
Ndërkaq, Partia Demokratike ka startuar edhe fushatën për zgjedhjet në FRPD, dhe deputeti Ristani është shprehur se opsionet janë të hapura edhe për zgjedhjet në degë.
(el.sp/BalkanWeb)
