Rezidenca madhështore prej 50 milionë dollarësh, në pronësi të ish-yllit të Take That, Robbie Williams, është blerë nga reperi kanadez Drake.

Vila luksoze, një pronë e madhe me 10 dhoma gjumi e vendosur në një sipërfaqe prej tre hektarë tokë në Beverly Hills, besohet se i është shitur yllit të hip hopit në një marrëveshje jashtë tregut, megjithëse detajet financiare rreth blerjes nuk do të zbulohen deri në marrëveshjen zyrtare të shitjes.

Kuptohet se Ëilliams, i cili ndante shtëpinë me gruan e tij aktoren Ayda Field dhe katër fëmijët e tyre, fillimisht kishte shpresuar për një shitje prej 80 milionë dollarësh përpara se të vendosej për shifrën dukshëm më të ulët pasi nuk arriti të gjente një blerës.

Megjithatë, këngëtari ka një fitim të dukshëm, pasi e kishte blerë atë nga bashkëthemeluesi i Guess, Armand Marciano për 32.67 milionë dollarë në vitin 2015, sipas të dhënave të pronës.

  • foto galeri
  • foto galeri
  • foto galeri
  • foto galeri
  • foto galeri
  • foto galeri

Prona e stilit toskan përfshin një vilë kryesore me përmasa rreth 25,000 metra katrorë që përmban dhjetë dhoma gjumi dhe jo më pak se njëzet e dy banja.

Vila luksoze përfshin gjithashtu një garazh për njëmbëdhjetë makina, bodrum vere, një palestër, një dhomë lojërash, një dhomë të shfaqjeve profesionale, një ashensor, një fushë tenisi, një pishinë me pllaka mozaiku dhe një kuzhinë të jashtme.

Blerja e vilës në Beverly Hills është blerja e parë e pasurive të paluajtshme të Drake në tregun e Los Anxhelosit, pasi më parë kishte blerë prona në vendlindjen e tij, Kanada, duke përfshirë një pronë prej 50,000 metrash katrorë në qytetin e tij të lindjes, Toronto.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb