Me epërsinë që i jep fitorja 2-1 në ndeshjen e vajtjes, por gjithashtu me rrezikun e shkarkimit të trajnerit Eusebio Di Francesco nëse gjërat shkojnë keq, Roma luan gjithçka në një natë, në përballjen e kthimit në transfertën kundër Portos. Skuadrës italiane i mjafton edhe një barazim për të siguruar biletën që e çon në çerekfinale, por tekniku i saj nuk bën llogari, madje as për të ardhmen e tij në pankinë, që kalon pikërisht nga kjo sfidë.

Di Francesco Allenatore Roma
Di Francesco Allenatore Roma

“E rëndësishme është që të kalojë Roma. Nuk mendoj asgjë tjetër përveç kësaj. Nuk do të luaj unë, por skuadra dhe duhet të bëjmë një ndeshje të madhe. Nuk është ndeshja ime”, është shprehur në konferencën zyrtare për mediat Di Francesco.

140629210 849ed69d C32e 4928 9ef9 5dd1720e2622
140629210 849ed69d C32e 4928 9ef9 5dd1720e2622

Roma zbret në “Dragao” me të gjithë titullarët, pasi edhe Nicolo Zaniolo ka kaluar problemet fizike dhe është gati të japë ndihmën e tij për skuadrën, ashtu si në sfidën e parë. Goli i shënuar në “Olimpico” mban gjallë shpresat e Portos dhe i jep një dozë optimizmi trajnerit Sergio Conceição.

171443505 Cf097c4e 6cb1 404b A785 2eb021b51fbb
171443505 Cf097c4e 6cb1 404b A785 2eb021b51fbb

“Jemi të bindur se mund t’ia dalim. Duhet të fitojmë ndeshjen, por nuk duhet të nxitohemi, pasi do të jetë në ndeshje e luftuar. Roma është shumë e fortë dhe ka lojtarë të shkëlqyer. Pastaj ka edhe sulmin e tretë më të mirë në kampionatin italian”, ka thënë tekniku portugez, që gjithashtu nuk ka mungesa të rëndësishme në skuadër.
(balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: