Romancieri afrikano-jugor, Damon Galgut fitoi Booker Prize 2021 me “The Promise”.
Ai ishte përzgjedhur edhe më parë, përkatësisht në vitet 2003 dhe 2010.
Galgut, 57 vjeç, ndoqi gjurmët e fituesve të mëparshëm afrikano-jugorë, Nadine Gordimer dhe JM Coetzee dhe është fituesi i parë i vendit që nga viti 1999.
Historiania amerikane Maya Jasanoff, e cila kryesoi jurinë, tha se ”ky libër është dëshmi force. Ai ndërthur një histori të mahnitshme, tema të pasura dhe historinë e 40 viteve të fundit në Afrikën e Jugut’’.
“Me një narrativë pothuajse mashtruese, romancieri ofron njohuri për ndarjet mes brezave, mediton mbi atë që e bën një jetë të plotë dhe se si të përpunohet vdekja dhe eksploron implikimet e gjera metaforike të premtimit në lidhje me Afrikën moderne të Jugut”, shtoi ajo.
“The Promise” zhvillohet në Pretoria, ku autori u rrit, në sfondin e tranzicionit të Afrikës së Jugut nga regjimi i aparteidit.
Libri tregon historinë e familjes Swart, të cilët janë fermerë të bardhë, përmes një serie funeralesh.