Cristiano Ronaldo vendosi të stërvitej në stadiumin e qytetit të Madeira në Portugali dhe menjëherë veprimi i sulmuesit është shoqëruar me shumë polemika, ku janë përfshirë edhe autoritetet.

“Ronaldo nuk ka asnjë leje speciale për t’u stërvitur. Ai ka të drejtë të stërvitet derisa respekton rregullat si të gjithë qytetarët e tjerë. Asnjë privilegj për të”, ka thënë këshilltari për shëndetësinë në rajonin e Madeira, Pedro Ramos.

Ndërkohë, mediat portugeze kanë publikuar fotot e vilës së re, që Cristiano Ronaldo ka marrë me qira, në mënyrë që të ketë më shumë kushte për t’u stërvitur. Sipas tyre, ylli portugez do të paguajë 4 mijë euro në javë për vilën, e cila ka një oborr të madh për të vrapuar.
(balkanweb)